Matinee Musicale 2015

Op zôndaag 1 fibberwari a.s., daags nao d’n Hofbal  vanaaf 15.00 oor, en aansloétend aan de Prinse resepsie, ziet geej van herte welkom in d’n Hoonderstal veur ‘t Matinee Musicale. Dees muzikale happening, georganiseerd door Jocus Joekskemissie is bedoeld veur pap, mam, opa en oma en ouk de blaage.

Netuurlik mak ‘t kersverse Dreejspan zien opwachting op dit evenement. Veur de muzikale kleiage zörge de optraejes van ô.a. de Winnaer Jeug Vastelaoves Leedjes Kônkoer (de kinder van de Martinusschoël) en de winnaer van de Herfshane (Jaden). Vaerder spetterende beejdrages van Appelemoos, Jocus’ eige Hofkepèl, de 4 winnende leedjes, Zjwartbroëd en Erwin. Aangenaam veur minnig oug is ‘t optraeje van Tanzkorps Rheinveilchen. De Matinee löp wies ein oor of 8 in d’n aovend.

We zeen ôg gaer in de Maaspoort! D’n entree is vreej, maar ‘t drage van d’n Opstaeker is gewins.