Letste kaarte en stumme Leedjesaovend
Woensdaag 26 september 2007
D’r zien nog ‘n aantal kaarte te kaup veur de Leedjesaovend. Beej Sporthuis Olympia (Jan Klein) zien nog inkele kaarte verkriégbaar veur ‘t beejwoëne van de Opus Jocus Leedjesaovend op aanstaonde zaoterdaag de 29e. Leefhebbers heejveur wuurt aangerooje d’r snel beej te zien!
Jocus leeje en donateurs wille weej gaer herinnere aan de meugelikheid um aanstaonde zaoterdaag via dit thoésblaad mei te stumme op ôch favoriete leedje van de Leedjesaovend. Geej heb heej iërder dit jaor ´n schriéve euver ontvange. Hald ôch leeje-/donateurskaart beej de hand as ge wilt stumme, en maak gebroék van dees unieke meugelikheid!