Leedje ‘Same zinge’ kedo aan Jocus
Zaoterdaag 26 jannewari 2008
De Venlose bands Zoëmaar, Drekskaters. Neet oét Lottum, That’s Live, Laef! en ex-Ronny Toober hebbe saame ein kedootje gemak veur vastelaovesvereiniging Jocus. Jocus besteit 15×11 jaor en de dialekmeziék in Venlo waas noëits zoë suuksesvol gewaes as de vastelaovend auk de popbendjes neet zoëvuul kanse had gegaeve.
‘t Kedootje besteit oét ‘n niej leedje: ‘Same zinge‘, geschreve door Frans Pollux. Muzikante oét alle bands doon mei en de zengers zien Bart Houtermans, Lex Uiting, Frans Pollux en Marco Schell.
Dankzij ‘n samewerking mit ‘t Stadscomité Venlo en de Joekskemissie van Jocus kinne weej ôch dit leedje gratis aanbeeje. Download ‘t, kopieer ‘t en zing ‘t veural keihard mei!