Laot gaon, laot gaon dae waage

Umroop Venlo besteejdt in eur 25-jäörige jubileumjaor oétgebreid aandach aan ‘t 15×11 jubileum van Jocus. Waat oëit in 1843 klein begôs, nao ‘n bezeuk aan de Duitse stad Dülken, greujde oét wies ‘n vereinging mit honderde leeje en ‘n groët draagvlak in de stad Venlo. Woensdaag 7 november wuurt zeet geej deil 2 in dees serie: ‘Laot gaon, laot gaon dae waage…’

De vereiniging is dit jaor as gen ander jaor in bewaeging. D’r môtte nieje dekors waere gemak veur onder miër Hofbal, Prônkzitting en Jubelnachte. Veur dit letste evenement in November is ‘n scala aan lokale, regionale en nationale artieste vasgelag. Auk alle meziék wuurt spesjaal gekomponeerd veur de jubelnachte. De man achter de ‘sound’ van Jocus is Jan Theelen. In dees aaflevering aandach veur de arrangeur en de opnames die hae same mit artieste oét ‘n veer verleeje of ‘t heden mak. ‘n Ander element is de prinsengarde dae spesjaal veur dit jaor exercitie-oefeninge hilt um good veur d’n daag te kômme.