OETVERKOCH: Krense veur Nappes
Op zôndaag 3 fibberwarie vindt vanaaf 14.11 oor (zaal aop um 13.30 oor) in de Venlose Maaspoort ‘t Krense veur Nappes/8e editie van Nappes op de Proms plaats. In ’t jubeljaor van Jocus leek ’t de organisatie ein gepasde geste nao de Venlose bevolking um dees succesformule nog ens oét de laai te haole. Mit zô’n 70 leedjes en 110 artieste is dit eine echte musicale Venlose marathon mit ein haufrol veur Jocus Hofkepèl.
Krense veur Nappes 2019 is hiélemaol oétverkoch.
In 1996 woord d’r door NUATH (Neet um aan te huure), in ‘t kader van eur 20 jäörigbestaon, ein Proms-concert georganiseerd en aangebaoje aan de Venlose bevolking.D’n opzet waas um Venlose leedjes door de, zoevuuël wie meugelik, origineel oétveurende artieste nog ens op de buhne te zette. Heejbeej woord geput oét de ziërriéke Venlose meziékhistorie. Alles meus veur Nappes (veur niks dus) plaats hebbe.Dit, nao achteraaf bleek, succesvolle initiatief woord alum hoëg gewaardeerd, en der waare talriéke verzeuke um ein vervolg.
In 1998, beej gelaegeheid van ‘t 2×11 jäörig bestaon, zien dees verzeukegehonoreerd mit Nappes op de Proms 2. NUATH is d’r toen in geslaag, dankzij medewerking van de artieste, orkes MIX/Jocus Hofkepel, en vuuël beejdrage van sponsore in geld en natura, de kwaliteit en entourage van ‘t iërste concert te euvertreffe. In dees 2e editie slaagde NUATH opniej in eur streve um d’n entree NAPPES te laote zien. Dit pas binne de filosofie van NUATH, det zeej altiéd gratis (veur Nappes), of althans taege vergoeding van koste en drank meziék mak. Nappesop de Proms stond vanaaf det moment definitief op de Venlose cultuurkalender.
Nao Nappes op de Proms 2 volgde NODP 3 beej gelaegeheid van NUATH’s 25-jäörig bestaon op 1 april 2001 en NODP 4 op 18 Jannewarie 2004 in Paviljoen Venlona. Nappes op de Proms 5, in 2007, waas veur ‘t iërs in Grand Café Baer de Woers en ouk veur ‘t iërs bestond Nappes oét twië oétveuringe, de iërste op zaoterdaagaovend, de twiëde op zôndaagmiddaag. Det zelfde gold veur Nappes op de Proms 6 (2009). De letste Editie, NODP 7 woord in 2011weer in de Venlonazaalgehalde. Veur dees editie had de organisatie al bepaold det zeej nieje oétdagingewoele aangaon en det alzoë NODP 7 de Finale kwaam te heite.
De nieje show, die nao ’t Krense van ’t nieje Boerebroélofsgezelschap van Benderszal beginne, wuurt gans opgenaome op audio en video zoedet weej dees later kinne downloade op iTunes/Spotify en youtube.