Veur zien verdeenste veur Jocus woort d’n hiër Clim Backes bevorderd tot Kômmandeur Gôld mit Ster in de Orde van d’n Haan. De hoëgste ônderscheiding in dees Orde wuurt maar hiël zelde oétgereik. Op de Laudatio waere door Vors Joeccius XI en ziene wiéze Raod van Elf de Jocusleeje en andere vreejwilligers gehöldig veur eur verdeenste veur de Venlose vastelaovend en de vereiniging Jocus in ‘t biézonder. De gedecoreerde woorte opgenaome in de Orde van d’n Haan.

Clim Backes stond in 1980, haos 44 jaor geleeje, mei aan de weeg van ’t inscheete op 11 november, destiéds in ’t Julianapark. As lid van Jocus’ AZ kemissie haet hae auk de Kôffietuiterie en d’n Boeremoosbal gebaore laote waere. Daonaeve haet hae beejgedrage aan ’t opzette van ‘t Jocus Archief en is hae de driévende krach achter ’t Jocus Museum wao hae mit zien aanstaekelikke enthousiasme neet allein de exposities mei inrich, maar auk minnige rondleiding verzörg.

Clim, èn alle andere laureate: van herte perfitsia!