Klatergôld van ‘t Boerebroélofsgezelschap

De Venlose Boerebroélof is riék aan tradisies. In 2002 woord ein nieje Boerebroélofstraditie gebaore. ‘t Gezelschap van Venlostad.com schônk twië schoën kettinge veur de Börgemeister en Sirremoniemeister van eur Boerebroélofsgezelschap. Al sinds jaor en daag zien dees wiechtige persoëne duudelik te herkinne. Sinds toen wuurt idder jaor d’n Börgemeister en Sirremoniemeister bestaoke mit ein speciaal veur eur ôntworpe schild det de ketting en funksie krach beej zit. 

‘t ôntwerp veur de schilde van 2015 is van Ruud Seelen. D’n Börgemeister en Sirremoniemeister van ‘t Boerebroélofsgezelschap van de Venlose Reddingsbrigade woorte tiédes eure prissentatie aovend op 30 november jôngsleeje middels ‘t umhange van de kettinge geïnstalleerd. De nieje schilde zien vervaerdig door Ivo Nellissen en waere meugelik gemak door Nellissen Juwelen, Erik Schnock en René Hovens.

Netuurlik zien zeej vanaaf ‘t kômmende Boeremoosbal tiedes idder optraeje van ‘t Boerebroélofsgezelschap van de Venlose Reddingsbrigade te bewôndere!

Wilt geej ouk mei Prinse-raoje? Det kin op www.facebook.com/JocusVenlo