Tiédes de lintjesraege haet ‘t Ziene Majesteit de Keuning behaag um twië Jocusleeje te decorere veur eur verdeenste veur de samelaeving. Op ‘t Stadhoés woorte Clim Backes en Geert Verkoeijen door börgemeister Antoin Scholten beneump tot Lid in de Orde van Oranje-Nassau.

D’n hiër 𝐂𝐥𝐢𝐦 𝐁𝐚𝐜𝐤𝐞𝐬 is sinds 1977 lid van Venloosch Vastelaoves Gezelschap Jocus. As lid van de AZ kemissie waas hae jaorelang ein van de kertrekkers van d’n Boeremoosbal en Boerebroélof en waas hae ein van de bedinkers van ‘t Inscheete. Hae haet mei de basis gelag van ‘t Jocus Archief en is taegewaordig lid van Jocus P&P kemissie. Clim is auk hoésmeister en Museumgids van ‘t Jocus Museum, wao hae vuuël groepe rondleidt en tentoënstellinge mei inrich. Sinds 2013 is hae bestuurslid van ‘t Comité Open Monumentendag van de gemeinte Venlo en lid van de Kapelwerkgroep Domani Venlo en verzörg auk ‘t onderhald van de Mariakapel.

D’n hiër 𝐆𝐞𝐞𝐫𝐭 𝐕𝐞𝐫𝐤𝐨𝐞𝐢𝐣𝐞𝐧 is sinds 1979 lid van de Technische Kemissie van Jocus. Dao loog hae mei de basis aan minnig dekôrstök, Raodswage en Prinsewage. As wagebouwer teikende en bouwde hae 33 jaor langk de wages van De Klein Kernelkes veur de groëte Venlosen Optoch. Vanaaf 1999 is Geert vreejwilliger en vanaaf 2003 veurzitter van de Vereiniging Bechterew patiënten Regio Noord-Limburg wao hae auk veurlichtinge guuëf. Vanaaf 2015 is hae veurzitter van taofeltennisvereiniging ‘de Mepper’ in Bliërick en meide-organisator van verschillende aktiviteite.

Dees Keuninklikke onderscheiding is ôg miër as gegund!
Van herte perfitsia!

📸 Renier Linders