Kaarte veur Jocus’ Kôffie-tuiterie

Boere en boerinne die op vastelaovesdinsdaag verzekerd wille zien van ‘n plaetske op Jocus’ Kôffie-tuiterie, môtte op zaoterdaag 19 jannewarie in Café In d’n dorstigen Haen zien. Um 12 oor start dao de kaartverkaup veur dit traditionele ontbijt, waat Jocus al miér dan 20 jaor organiseert Same mit ’t boerebroélofsgezelschap van de Mustangs wuurt in de Maaspaort ‘nne gooje baom gelag veur ‘t fees van de boerebroélof. ’t Kôffie-tuite, mit kerboét, eier mit spek en kluntjes- en krintemik begint um 10.00 oor en deurt wies 12.00 oor. Aansloétend is ‘t krense van ’t boerebroélofsgezelschap waonao doezenden broelofsgaste door de straote nao ‘t Venlose stadhoés trekke wao Tineke van Joep van de Menkes van Aertse Wiel, Bestevader en letste gerdeneer oèt de Kloeësterstraot en Leen van lange Lei en van Han van Josten Sjang, de slegter oèt Serum en Anneke van Boutse Wiel, de schilder in de ônech wuurt verbônde mit Jos van Jan van d’n oètgeplökde tomategerdeneer van de Hei van Sef en Betje van de Sloeëterbaek en van witte Nell van de toere van Toeën van de preuver en Jo van d’n dieke van Wieks van de alde Mert. De kaarte kôste €7,50.