Iërste Jocus Venloosch Vastelaoves Kefee bekind

Op zaoterdaag 22 september zien de iërste kefee’s bekind gemak die ‘t veurrech kriége verliënd de titel “Jocus Venloosch Vastelaoves Kefee” te gaon veure. Zeej woorte door de veurzitter van Venloosch Vastelaoves Gezelschap Jocus, d’n hiër Roel Versleijen, bestaoke mit ‘t beej dit predikaat behuurende schildje.

’t Initiatief “Jocus Venloosch Vastelaoves Kefee” woort aafgelaupe vastelaovend gebaore mit as doel um de binding tösse de kefee’s en Jocus te versterke. Auk haet ’t as instaek um de sfeer en aankleiding van de kefee’s tiédes Vastelaovend te stimulere. Want oétintellik make weej de vastelaovend same.

De criteria veur ‘t toekinne van ‘t predikaat “Jocus Venloosch Vastelaoves Kefee” zien opgesteld door de Venlonaere zelf. Via ein peiling op de Facebookpoagina van Jocus kôs de Venlonaere aangaeve welke beoordeilingscriteria zeej belangriék vonde. Tiédes de aafgelaupe vastelaovend hebbe ônaafhankelikke “spienzers” dees criteria in de diverse kefees beoordeild. Kefee’s hebbe daobeej 1, 2 of 3 sterre kinne behaole.

De bekroënde kasteleins zien 3 sterre Café De Gaaspiép 2 sterre Aetkefee De Alde Mert, Take Five, Grand-Café De Keulse Kar, The Rub-a-Dub, Café In Den Dorstige Haen, Café De Locomotief, Kefee Hadseflats 1 ster Café De Vergulde Gaper, Café Restaurant Central, Motown, Café De Klep, Eetcafé De Brasserie, Shannon’s Irish Pub Venlo, Grand Café Bonaparte, Brasserie De Witte Venlo, Kefee Bonjoere, Brouwersplaats Speciaalbier Café, Café Tante Bet, Café De Galerie, Café De Tapperie, Leo’s Proeflokaal, Café Vader Klaassens, Café Restaurant Old Dutch, Vino d’Elmar, Café De Baek, Café De Blauw Trap, Scala Venlo, Café De Gouverneur, John Doe Venlo.