Joeksige kersdaag en eine gooje roetsj
Donderdaag 19 december 2013
‘t Aafgelaupe jaor waas veur Venloosch Vastelaoves Gezelschap Jocus in miërdere opzichte ein good jaor. Onder ‘t motto "Waat kinse schoëner winse" vierde weej eine Vastelaovend wie det allein in Venlo kin.
‘t Nieje jaor steit te trappele um te beginne. De Vastelaovend van 2014 wuurt geviërd op 2, 3 en 4 maart. Weej zeen ôg gaer in ‘t nieje jaor beej ein van de talloze Jocus-evenemente.
Veur dit moment wins Venloosch Vastelaoves Gezelschap Jocus ôg en ôg femilie prettige kersdaag en ein gezônd, gelökkig maar baovenal joeksig 2014.
Laot ôs maar gewaere!