Oétleg Jocus Wildcard aktie 2017: publiek kees 12e finalis Leedjesaovend
Tiédes de Veurselectie haet de Vakzjurie oét alle deilnemers 11 Finaliste gekaoze veur Opus Jocus Leedjesaovend. Dit jaor kin ’t publiek eine 12e finalis keeze en zoë ein “Wildcard” oétgaeve.
Opus Jocus Leedjesaovend kriég heejmei veur ’t iërs 12 finaliste!
Jocus wilt heejmei de stum van ’t publiek vergruëte en de deilnemers aan de Veurselectie eine extra stimulans baeje um de Leedjesaovend te haole.
Op de Leedjesaovend keeze de Vakzjurie, de Venlose wiekvastelaovesvereiniginge en ’t publiek eur 4 favoriete Vastelaovesleedjes veur ’t kômmende vastelaovessezoen.
Heejonder laes geej wie det ‘t 12e leedje veur Opus Jocus 2017 wuurt gekaoze.
Deilname:
- De actie löp van zondaag 27 augustus 12.00 oor tot en met vriédaag 15 september 12.00 oor.
- Deilname is geldig veur de deilnemers aan Jocus Veurselectie 2017 die neet as ein van de 11 finaliste zien gekaoze door de Vakzjurie.
- De 11 gekaoze deilnemers zien al zeker van deilname aan Opus Jocus Leedjesaovend 2017 en oétgeslaote van de Jocus Wildcard aktie
- Van de 13 euverige deilnemers wuurt de zangers en zangeresse de kans gebaoje um op eige wiéze ein filmke te make van eur leedje. In eur kreativiteit waere zeej vreej gelaote.
- Dit leedje kinne zeej publicere via facebook en instagram. Wie iërder zeej eur filmke publicere wie groëter eur kans op ’t meiste aantal stumme.
- Beej publicatie deent ’t deilnemende leedje duudelik te vermelde:
- ’t Social media account van Jocus vermelde (Facebook account @jocusvenlo, instagram account @jocus_venlo)
- Same mit de hashtags #jocuswildcard #leedjes17
- Deilname is allein geldig as de dreej heejbaove geneumde variabele zien ingegaeve in ’t begeleidende teksberich.
- In ’t berich meug gen verwiézing waere gemak nao de teksschriéver en/of kômponis.
- Dees zien auk neet bekind beej de andere 11 leedjes. Heejmei hebbe alle 12 de finaliste ‘tzelfde oétgangspunt tiédes de Leedjesaovend.
Stumme en verkeezing:
‘t Publiek kin zien stum op de volgende wieze oétbringe:
- Stumme op ein leedje kin door ’t originele berich op facebook en/of instagram te “like-e”. Dus ’t duumke op facebook en ’t hertje op instagram.
- ‘t Deile van eine video of ’t aantal videoweergaves waere neet as stumme meigeteld.
- Allein “likes” van eine video mit in ’t berich vermelding van ’t Jocus social media account en de 2 hashtags telle in de totaalscore per leedje. Veurbeeld: vermeldse in ‘t facebook berich neet ’t Jocus account same mit #jocuswildcard #leedjes17 is de stum neet geldig
- ’t Deile van de filmkes vergruuët neteurlik waal de zichbaarheid beej ’t publiek en de kans um zoëvuuël meugelik stumme te behaole.
- Auk in berichte die waere gedeild deene ‘t social media account van Jocus en de hashtags te waere verneump.
- ’t Leedje det opgeteld de meiste likes behaold wint en wuurt as 12e leedje Finalis van Opus Jocus Leedjesaovend 2017.
- De winnaer van de Jocus Wildcard aktie wuurt bekind gemak op vriédaag 15 september via www.jocus.nl
Volg dus de kômmende waeke dus de social media kenale Facebook en Instagram en stum op dien favoriete leedje.