Jocushaan bliévend truuk op de Mert
Dinsdaag 19 fibberwari 2019
…Dit is de plaats, heej wil ik bliéve…
Ein uniek moment op dinsdaagmiddaag 19 fibberwari: ‘t Baeld van de Jocushaan woort truukgeplaats op de Mert. Aevel waal op ein nieje, bliévende plaats: naeve ‘t Stadhoés.
Ônderwiel ein korte sirremonie en in ‘t beejzien van Vors Joeccius XI, delegatie’s van de ald Prinse en kasteleins aan de Mert woort d’n ônthöld door kunstenaer Hay Mansvelders en ‘t Jocus Dreejspan 2019.
‘t Kunswerk, gemak door kunstenaer Hay Mansvelders, woort op 26 jannewari 1986 door de ald Prinse van Jocus geschônke aan de stad Venlo beej gelaegenheid van Jocus 13×11.
Vanaaf vandaag steit d’n haan bliévend naeve ôs schoën stadhoés op de Mert.