Jocus’ Matinee Musicale 2010

Weej 3, Bram en Ruud en de Hofbalband speule op zondaag 31 jannewarie tiedes ‘t Matinee Musicale in de Maaspoort in Venlo.  Weej 3, bestaonde oét Quinn Warmerdam, Christel van Rijn en Hay Wilders behoof nauweliks ‘n introduksie. Dit jaor staon ze in de finale van ‘t LVK. Bram en Ruud weite wie zeej ‘n zaal op de kop môtte zette. Baovedeen zien zeej al ns winnaer gewaore van detzelfde LVK. De Hofbalband is ‘n band dae spesjaal is samegesteld veur ‘t Hofbal 2010 en besteit oét de beste artieste oét ôzze streek.

Het Matinee Musicale, det daags nao d’n Hofbal plaatsvindt, is de aafgelaupe jaore oétgegreujd tot ‘n evenement vol dans, zang en meziek. ‘t Jocusevenement begint um 14 oor en de toegang is gratis. Al wuurt ‘t drage van de nieje Opstaeker (te kaup in de Maaspoort) door Jocus ziër gewaardeerd.

Naeve Weej 3, Bram en Ruud en de Hofbalband haet ‘t Matinee Musicale ‘n hiel moëi programma. Netuurlik zal ‘t (dan) kersverse dreejspan van Venlo zich aan ‘t publiek prissentere. Maar auk niej talent zal van zich doon spraeke. Zoë zullen de Herfshane weer van de partiej zien en guf de winnaer van ’t Jocus Jeugsvastelaoveskonkoer, de kinder van de Zuidstroom, acte de presence. Netuurlik kin ‘t publiek auk geneete van de veer winnende Jocusleedjes en zulle de minse getrakteerd waere op dans en acrobatiek van de Kammerkätchen und Kammerdiener en de Blaue Funke oét Kölle.