Jocus leedjes op carillion Sint Martinuskerk
Dinsdaag 20 november 2018
De veer winnende vastelaovesliedjes van Venlo zien te huure op ‘t carillon van de Sint Martinuskerk. Stichting Het Venloos Carillon wil op dees wiés ‘t jubileum van Jocus luuster beejzette. De kômmende maonde zulle ‘Geliék vertrokke’, ‘Ik kin neet bäöke’, ‘Ik hald ‘t kort’ en ‘As ik dit druim’ geregeld euver de stad klinke. Umdet ‘t carillon sinds kort eine nieje speulautomaat haet, is ‘t eenvoudiger gewaore leedjes toe te vooge. Daonaevebeej is ‘t meugelik um meziék aan te vraoge via de website van ‘t carillon.
In euverlegk mit Jocus wuurt ‘t rippertoire steeds vaerder oétgebreid en wuurt auk onderzoch op welke wiés ‘t carillon ein rol kan speule in ‘t jubileumjaor.