Jocus Dreejspan bezörg posters in binnestad

Op zondaag 27 oktober trok ‘t regerend Jocus Dreejspan 2013 weer de Venlose binnestad in. Dees reis um de kefee’s te bestaeke mit de posters van Elf van Elf en de Groëte Prônkzitting. Tiédes eur iérdere bezeuk aan Jocus P&P Kemmissie woort de aafspraok gemak det Prins Sef IV mit zien Adjudante Marc en Roel dees belangriék taak op zich zoele neeme.

Neet weitende waat zeej koste verwachte, trokke zeej gewaopend mit genog poster plunje, plekband en gooje zin de binnestad in. ‘t Weer waas eur ouk nog ens good gezind. Wao de middaag waat langkzaam op gangk kwaam, ging det gaonde waeg steeds baeter. Dao stonde danauk maar leefs viéf-endertig gelaegenhede op de liés.

Nao anderhalf oor ware pas ein paar kefee’s veurzeen, want in idder kefee meus de plaats van de poster geevalueerd waere…
In idder kefee woorte zeej mit aope erm en hertilikke reacties ôntvange. De Vastelaovend kwaam weer euveral efkes veurbeej. De posters veur de kômmende Jocus evenemente hebbe euveral ein schoën plaats gekrege. Heej en dao keek de kastelein mit ein goodkeurend aug mei.

En zoë kreeg de Venlose binnestad alves ein bietje zien Vastelaovend kleur.