Jocus CD 2018 noow verkriégbaar!

De nieje Jocus CD 2018 is vanaaf noow verkriégbaar beej Plus Benders Venlo, ‘t V.V.V. kantoër (in Bookhandel Koops), Sounds Venlo en neteurlik Jocus webshop. De CD is auk te downloade via iTunes en Spotify.

Op Elf van Elf woort ‘t iërste exemplaar aangebaoje aan Prins Lex I en zien Adjudante Dick en Martijn.

Uiteraard staon de veer winnende leedjes van Opus Jocus 2017 d’rop:
1. De Pinguïn – Jules Fransman, Gijs Engels (Frans Pollux, Arr. Jan Theelen)
2. Kômme traone dan gaon we – Annemarieke Leurs, Kristel Roulaux, Roel Daniels-Peeters (Frans Pollux, Arr. Wim Naus)
3. Zoë Schoën – Hanneke Vestjens (Paul Nagelmaker, Arr. Jan Theelen)
4. Wach neet wies morge – Petro Janssen, Mark Janssen, Vic Suiker en Hay Geritz (Peter Jansen, Hay Geritz, Arr. Wim Naus)

Daonaeve ‘t winnende leedje van de Herfshane “Adrenaline” gezônge door Froukje Janssen en Novy Gipmans en de winnaers van ‘t Jeug Vastelaoves Leedjes Konkoer Basisschoeël de Zuidstroom mit eur leed “Det wuurt ein frietje”.

Veurig jaor is Jocus gestart mit ein niej initiatief um Venlose bands twië alde Jocusleedjes van ein niej jeske te veurzien. Van Gelder beet veurig jaor de spits aaf. Dit jaor is ’t de beurt aan LinkeMik. Zeej hebbe gekaoze veur “Zutjes Aan en “Ik bliéf beej dich.
Van de veer nieje Jocus leedjes en de nummers van LinkeMik zal in januari 2018 via JocusTV eine videoclip verschiéne.