Jocus adopteert YouTube-kanaal Joetse Jatse

Vanaaf 11-11 zal Jocus ‘t YouTube kanaal Joetse Jatse veurt zitte.

Wiés daen daag haet Egbert Tomlow ziér verdeenstelik dit kanaal opgezatte en gemak wie ‘t noow is. Tiëntalle vastelaovesnummers, ald en niej, zien veurzeen van de teks zoëdet idderein de teks kin mei laeze. ‘t Is Egbert gelök um veural minder bekinde nummers van Groët Venlo te veurzeen van teks. Mit 340 abbonees en tiëndoezende views is dit kanaal ziér suksesvol.

Jocus haet mit Egbert aafgespraoke det Jocus dit op dezelfde voot geit doorzette. Dus ouk vastelaovesnummers van boéte de deilgemeinte Venlo. Jocus zal zich dus inzitte veur de vastelaovesmeziék in ‘t algemein en mit dezelfde intensie as waomei dit YouTube-kanaal is opgezatte

Dit kanaal zal naeve ‘t JocusTV YouTube kanaal bliéve bestaon, wao beej op JocusTV veurnamelik reportages en dergelikke geplaats waere en op Joetse Jatse allein vastelaovesmeziék veurzeen van teks.

Um eine gooje start te maake haet JocusTV de veer winnende leedjes mit beelde van d’n Umroop veurzeen van teks en geplaats op ‘t kanaal Joetse Jatse.

Vanaaf dees plaats wille we Egbert bedanke veur ‘t opbouwe van Joetse Jatse en gaon weej d’r veur zörge det ‘t veurt gezat wuurt.

Youtube kenaal JoetseJatse: https://www.youtube.com/user/joetsejatse