Jeugzitting Half Haenke

Op woensdaagmiddaag 30 jannewari 2013 is d’r in de Maaspaort in Venlo ein zitting veur de jeug mit d’n illustere naam “Half Haenke”. Dees zitting, die ôngeviër 30 jaor geleeje veur ‘t lets plaatsvônd, is ein in initiatief van VVG Jocus en eur klein breurke Vastelaovesvereiniging Jocus Toekôms.

Jocus en Jocus Toekôms hebbe same, ônder de slogan “De jeug haet de toekôms” ein visie ôntwikkeld waoin de jeug in alle vorme van vastelaovend centraal môt kômme te staon. De Venlose oétdrökking “mit de paplaepel ingegaeve” sluut heej perfek op aan. Zoëdoonde hebbe allebei de vereiniginge eur krachte gebundeld um ein echte jeugzitting veur alle kinder oét de gemeinte Venlo te organisere. In ein twië oor deurend programma krieg de jeug de kans um eur talente ônderein te toëne. Dans, buut, zang, parodie wissele ônderein aaf in ein flot tempo, dit alles ônder regie van de Vors van Jocus Toekôms. Vanzelfspraekend zulle verrassinge neet ôntbraeke.

Alle kinder wies 15 jaor oét de gemeinte Venlo, net zoëas alle jeugvastelaovesvereiniginge waere oétgenuuëdig um deze middaag in eur moeiste vastelaovespekske te bezeuke.

‘t Handelsmerk van jeugzitting Half Haenke is aafgeloupe zôndaag tiédes d’n 11e van d’n 11e op de Mert in Venlo ônthuld door allebei de vorste van Jocus en Jocus toekôms. Daomei is ‘t startsein gegaeve veur dit herbaore initiatief. De middaag begint um 14 oor en kaarte koste € 3,00. Biezônderhede euver programma en kaartverkoup waere te ziener tiéd bekind gemak.