Inteikene veur book ‘100 jaar Boerebroélof in Venlo’

Volgend jaor besteit de Venlose Boérebroelof 100 jaor. Det waas veur de schriévers Toine Schreinemachers en Paul Seelen ‘n gooje raeje um ‘n book te schriéve euver dit stökske Venlose volkscultuur. ‘t Book "Boérebroélof in Venlo, 1912-2012" wuurt geprissenteerd op Elf van Elf op de Mert veur ‘t Venlose stadhoés.

In dit unieke book probere de schriévers de Venlose boerebroélof te umschriéve door persuuënlikke verhaole, leuke anekdotes en verhaole zoë wie de "Verbaoje broélof van 1953"  en ‘t "verhaol van de Fluiterkiëskes", ‘t gezelschap dat ‘t Boéremoosbal ontwikkelde.

De geschiedenis wuurt zoë nauwkeurig meugelik beschreve. D’r zit ‘n kompleet naoslaagwerk in van alde boerebroélofsgezelschappe van de letste 25 jaor. Vaerder steit ‘t book knatsvol alde, döks nog noëits vertuënde foto’s. Volges Toine Schreinemachers is ‘t book "’n nieje historische ontdekking".

Me kin veur inteikene via info@jocus.nl, door €19,95 euver te make op 16.77.76.290 t.n.v. Jocus o.v.v. "100 jaor Boerebroelof". Taeves besteit de meugelikheid um ‘n persuënlikke wens of baodschap te laote vermelde door Vors Joeccius XI (max. 12 wäörd). ‘t Book wuurt veur lau thoésbezörg.