In Memoriam: Tom Bartels

Zondaag 5 july 2009

Mit groëte verslageheid en ongeluif hebbe weej ’t vuuël te vruuge haergaon vernaome van d’n hiër Tom Bartels, lid van Jocus Hofkepèl en Ridder Gold in de orde van d’n Haan. Tom waas eine muziekant pur sang. As basgitaris van de Hofkepèl wis hae de Hofkepèl mei muziekaal kleur te gaeve. Altiéd goodlachs en positief in ’t laeve. Tom zoogse geneete onderwiel ’t speule. Hae waas ein en al muzikaliteit. Ein waerdig lid van ôs vereiniging dae de joeks door zien aore had struime.

Venloosch Vastealoves Gezelschap Jocus is deep getroffe door dit vruuëge haer gaon en wins Suzanne en zien femilie vuul sterkte toe mit dit groëte verleer. Weej haope det de herinnering aan Tom idderein tot steun kin zien in deze zwaore tiéd.

Venlo, 5 juli 2009
Names alle leeje van Venloosch Vastelaoves Gezelschap Jocus
Drs. Harry Pouwels, veurzitter
In Memoriam: Tom Bartels