In Memoriam: Theo Theuwsen

Weej vernaome ‘t plotselinge haer gaon van d’n hiër Theo Theuwsen, Ald Marquis Rümesläger, Cômmandeur in de Orde van de Zwalm.

Theo waas ein oprech en conscentieus Jocus-lid. As veurzitter van de Joekskemissie wis hae op groëtse wies joeks en sjiek te combinere. Veur um waas, ‘Vastelaovend veur idderein mit respek veur tradisie’.

Theo had aug veur perfeksie en ging altied veur ’t beste resultaat. Zien groët vastelaoveshert rösde pas as ’t ech good waas.

Altiéd en blievend waas Theo geïnteresseerd in ’t waal en wee van ôs vereiniging.

Weej winse zien femilie van herte alle sterkte toe en zien d’r van euvertuug det de moeie herinneringe aan Theo eur de krach zal gaeve dit plotse haer gaon te verwerke.Jocus zal Theo mit ier en respek gedinke; ziene naam is onoetwisbaar.

Venlo, 11 december 2010
Names alle leeje van Venloosch Vastelaoves Gezelschap Jocus
Drs. Harry Pouwels, Vors Joeccius XI / veurzitter