In Memoriam: Sef Hendrikx

Mit verslageheid hebbe weej ’t haergaon vernaome van d’n hiër Drs. Sef Hendrikx (“De Kiep”). Vors Joeccius XI van 1958 wies 1975. Cômmandeur in de Orde van de Zwalm. Eine beschouwende hier van stand. Korrek en mit niveau haet hae Jocus door de onstuimige jaore zestig en wied in de jaore zeventig van de vurrige iëuw geleid.
Zeventien jaor is Sef Jocus veur gegaon as de tiënde Vors Joeccius XI mit ein ongekinde zelfdiscipline, humor maar veural mit respek veur de Venloosche Vasteloavend.
De oer-waerd van vastelaovend zoë wie Jocus die al vanaaf de oprichting in 1842 koesterd, bepaolde mei zien dagelikse doon en laote. Sef waas eine gruëtse en groëte Vors van ôs vereiniging.

Weej zulle Sef mit vuuël respek en eerbiedwaerdig in ôs gedachte halde. Sef ziene naam steit mit haufletters geschreve in de anale van Jocus.

Venloosch Vastealoves Gezelschap Jocus wins zien kinder en kleinkinder vuël sterkte toé mit dit verlees. Weej zien d’r van euvertuug det de herinnering aan Sef eur de krach zal gaeve dit te kinne opbringe.

Venlo, 26 maart 2009
Names alle leeje van Venloosch Vastelaoves Gezelschap Jocus
Drs. Harry Pouwels, veurzitter / Vors