In Memoriam: Piet Camps

Deep bedreuf vernoome weej ‘t haergaon van d’n hiër

Eine illustere illustrator dae mier as 60 jaor letterlik en figuurlik baeldbepaolend is gewaes veur Jocus. Karakteristiek en mit klaore lien zien de teikeninge, die de signatuur van Piet meuge draage  en d’n humôr is noëits wied eweg, net wie beej Piet zelf. Aimabel, bescheije maar baove-al eine mins gezaegend mit eine groëte joeksige inbors.

Ozze gruuëtse Jocushaan, Prinselikke hoésordes, platehoéze en netuurlik baoveal zien ôntelbare beejdrages aan ôs, maar zeker auk ein bietje zien, Staatsorgaan “De Träöt”. Kleine kunswerke opzich, waobeej idders kier weer in eine augopslaag duudelik is, wae de kunstenaer is gewaes.

Ein baeld zaet dök mier as 1000 wäörd en  det wis Piet as genne ander. Waat hae haet geteikend en beteikend veur Jocus is in idder geval mit gen pen te beschriéve.

Weej gedinke Piet mit ut allergrutste respek.

Elly, Michel, Nicole en vaerdere femilie, weej winse ôch vuul sterkte mit ut draage van dit verlees.

Names alle leeje van Venloosch Vastelaoves Gezelschap Jocus,
Drs. Harry Pouwels, veurzitter