In Memoriam: Peter Peters

Maondaag 14 july 2014

Mit ontsteltenis en bedreuf vernome weej ’t ónverwachte haergaon van

d’n hiër Peter Peters

Commandeur in de Orde van de Zwalm
Ald-Graaf Spôndgaat
Ald-Sirremoniemeister

Jaorelang ging Peter met Jocusbel en staaf veurop as Sirremoniemeister en makde ruum baan veur ut Jocus Gezelschap. Daonaeve haet hae zich mier as 44 jaor met hert en zeel ingezatte veur ôs vereiniging in diverse functies.

Zien groët organisatietalent en geveul veur humor schônk hae aan Jocus en de Venlosche Vastelaovend. Aimabel en galant wis hae altiëd idderein veur zich te winne. Veur allen ein veurbeeld wie det ut fees van Vastelaovend gevierd môt waere: vrintelik en joeksig.
Weej zien um heej ziër erkintelik veur.

Jocus zal Peter mit groët respek gedinke en bringk in gedachte eine staonde dreejdôbbele viéfklap oét op deeze illustere Jocusman.

Weej winse zien leefste José vuul sterkte mit dit ónveurstelbaar groët verleer.

Names alle leeje van Venloosch Vastelaoves Gezelschap Jocus
Drs Harry Pouwels, veurzitter/vors