Bedreuf vernoome weej ’t haergaon van

D’n hiër Mat van Keeken

Adjudant beej Stadsprins Pierre I in ’t jaor 1996
Kômmandeur  Zilver in de Orde van d’n Haan

Mat van Keeken waas van 1978 wiés 2008 lid van Jocus Technische kemissie en wiés zien euverlieje lid van Jocus. 

Mat waas eine entoesjaste wagebouwer beej de Klein Kernelkes en makde eine logische euverstap nao de TC van Jocus um dao zien expertise en ervaring op ’t gebied van wagebouw en vormgaeving ouk ten deenste te stelle van andere optoch deilnemers. 

Hae ging vanoét de kemissie instructie aovende halde um nieje optochdeilnemers te ôndersteune en op de praotaovende deej hae det nog ens dunnetjes euver. Daonaeve waas Mat eine kei in ’t vormgaeve van de “fienere” ônderdeile van de Jocus decors zoëwie ornamente en joeksige figure. 

Hiel bizônder waas de gedrevenheid van Mat um de Venlose cultuur miër te verwaeve met ’t Vastelaoves gebeure. Ein good veurbeeld waas ouk ’t inspirere van de jeugd door ‘t schriéve van lesbreve euver ’t belang van vastelaovend die verspreid woorte ônder de basis schoële. 

In 1996 bestônd ’t Jocus dreejspan volledig oét TC leeje. Te weite Hoëgheid Pierre d’n iërste met Ser Vijgenboom en Mat van Keeken as adjudante.

Weej winse de femilie van Keeken vuuël sterkte mit dit groëte verleer.

Venlo, 17 juli 2026

Names alle leeje van Venloosch Vastelaoves Gezelschap Jocus
Roel Versleijen, Veurzitter / Vors Joeccius XI