In Memoriam: Ludo Backes

Mit dreuvenis hebbe weej ’t haergaon vernaome van d’n hiër Ludo Backes. Lid van Jocus sinds 1966. Ald lid van de Technische Kemissie. Adjudant van Stadsprins Dé I in 1989. Offeceer Gold in de Orde van d’n Haan. Ein waerdig lid van Jocus is haer gegaon. Eine persoën mit humor en ein groët hert veur Jocus en de Venloosche Vastelaovend.

As lid van de Technische Kemissie haet Ludo jaorelangk zien creatieve geis gebroek as inspirasiebron veur ’t make van decorstökke. Ziene inzet o.a. as ontwerper veur ‘t 13 x 11 jäörig jubileum-jaor van Jocus benaodrökde zien betrokkeheid beej Jocus, wies op d’n daag van vandaag.

Venloosch Vastealoves Gezelschap Jocus wins zien vrouw Katrien en zien kinder vuël sterkte mit dit verleer. Weej haope det de herinnering aan Ludo ôch de krach meug gaeve dit groëte verdreet te kinne verwerke. Weej zulle Ludo mit respek gedinke.

Venlo, 13 november 2009
Names alle leeje van Venloosch Vastelaoves Gezelschap Jocus
Drs. Harry Pouwels, Vors Joeccius XI /veurzitter