In Memoriam: Hein Sax
Mit ôntsteltenis en bedreuf vernome weej ‘t haergaon van
d’n hiër Hein Sax
Commandeur in de Orde van de Zwalm
Werkend lid van de Technische Kemissie
Ut theater van Klatergôld en Parelwien besteit beej de graasie van ut juuste decor.
Haos 44 jaor haet Hein d’r veur gezörg det det decor d’r waas. Oét ziene nimmer aaflaotende, kreatieve geis zien ôntelbare, smeis aombenemende buunopstellinge, Prinse- en Raodswaages teveurschien gekômme.
Eine kunstenaer oét ut juuste vastelaovesholt gesneeje, dae ôs noow is ôntvalle. Ein groët verleer veur Jocus en veur zien geleefde Technische Kemissie in ut biezônder.
Mit deep respek zal Jocus Hein gedinke en is um dankbaar veur al ut moëjs dette ôs haet geschônke.
Weej winse zien leefste Marly vuul sterkte mit dit ônveurstelbaar groët verleer.
Names alle leeje van Venloosch Vastelaoves Gezelschap Jocus
Drs. Harry Pouwels, veurzitter/vors