In Memoriam: Hay Crompvoets

Mit dreuvenis hebbe weej ’t haergaon vernaome van d’n hiër Hay Crompvoets. Lid van Jocus Joekskemissie. Cômmandeur in de Orde van de Zwalm. Eine humoristische groëtheid, doorspek mit joeksigheid beejein gebrach in pure kleinkuns. Zenger van formaot en arties in hert in niere. Onlosmakelik verbonde aan Jocus, al mier as 32 jaor lid van de Joekskemissie. Zien optraejes op Jocus zittinge ware idders kier weer um in te liëste. Solo as zanger of mit collega’s ’t laeve van alle daag beschouwe op mier dan humoristische wies. Ziene naam zal altiéd verbonde blieve aan Jocus-leedjes oet de jaore 70 en 80, stök veur stök muziekale parels aan de Jocus-Leedjes-Kroën.

Weej zulle Hay mit vuuël respek in ôs gedachte blieve halde. Hay ziene naam steit mit haufletters opgeteikend in de anale van Jocus.

Venloosch Vastealoves Gezelschap Jocus wins zien vrouw Rie, zien kinder en kleinkinder vuël sterkte mit dit verleer. Weej zien d’r van euvertuug det de herinnering aan Hay eur de krach zal gaeve dit te kinne opbringe.

Venlo, 8 oktober 2009
Names alle leeje van Venloosch Vastelaoves Gezelschap Jocus
Drs. Harry Pouwels, veurzitter / Vors