Bedreuf zien weej door ’t haergaon van

D’n hiër Geert Berden

Kômmandeur in de Orde van de Zwalm
Adjudant van Stadsprins Toën III in ’t jaor 1968
Ald Börggraaf Pottekiéker

Leefs 57 jaor geleeje ging Geert, aan de zie van Prins Toën III de Venlonaere mei veur in ôzze Venlose Vastelaovend. Oétgeroope in de toenmalige Prins van Oranje, op d’n aller iërsten Hofbal.  Net zoë langk makde Geert deil oét van ôs vereiniging.

Nao zien Adjudantschap bleef Geert aktief binne Jocus. As Börggraaf Pottekiéker makde hae in de jaore ’70 en 80 deil oét van de wiéze Raod van Elf.

Weej zulle Geert misse en gedinke um as eine markante mins mit ein groët Jocushert.

Weej winse mevrouw Berden, kinder en vaerdere femilie vuuël sterkte mit dit groëte verleer.

Venlo, 9 augustus 2025

Names alle leeje van Venloosch Vastelaoves Gezelschap Jocus
Roel Versleijen, Veurzitter / Vors Joeccius XI