Hofbal kômpleet oétverkôch

De kredietkrisis haet in idder geval gen effek op de kaartverkaup van d’n Hofbal. Auk dit jaor waas deze unieke gala-bal waer in un rekord-tempo oétverkôch.  Binne un waek naodet de oétnuuëdiging waas versteurd, ware alle kaarte al verkoch. Det geldt neet allein veur de reguliere binnekômkaarte, maar auk veur ’t Hofbaldiner. Dit diner waas un initiatief wao Jocus dreej jaor geleeje mit is begôs. De aafgelaupe jaore waas de belangstelling veur dit sjieke aete greujend en meuste d’r idders jaor waer miër couverts beejgezatte waere. ’t Vurrig jaor hat ’t diner zelfs zien maximaal aantal bezeukers bereik en dit jaor is d’r un wachliës en môtte tiëntalle minse teleurgesteld waere. “De kins neet blieve greuie want de mos de kwaliteit en exclusiviteit van dit evenement blieve borge”, aldus de veurzitter van ’t organiserend Hofbalkomitée.