Hofbal 2012 oéverkôch

Auk dit jaor is d’n Hofbal van Jocus (zaoterdaag 4 fibberwari 2012) binne inkele daag oétverkôch. Bestellinge van toegangskaarte waere aafgewerk op volgorde van binnekoms van de betaling. ‘t Publiek zal netuurlik getuuge zien van ‘t oétroope van de nieje Stadsprins en zien adjudante. En daonaeve kinne geneete van vuul meziék en show van onder andere Da Ma Zoë, Kristel Roulaux, Frank Donders, Roger Corneille, Baer Traa, Kelly ter Horst en Jeffrey Schenk. De Hofkepèl traejt op in ein extra oétgebreude samestelling onder de naam MixxXL. D’n aovend wuurt aafgeslaote mit ‘n optraeje van d’n Hofbalband onder begeleiding van Instant Brass, mit zang van Bert van den Bergh, Bart Houtermans, Jacques-Paul Joosten, Marco Schell en Frans Pollux.

Op zondaag 5 fibberwari 2012 ziet geej mit ‘t ganse gezin welkom op de Matinee Musicale, vanaaf 14.00 oor in de Maaspoort.