Hertewins: Dennis is Hoeëgheid veur einen daag
Aafgeloupe zaoterdaag waas eine speciale daag veur Dennis.
Via de Daelzicht Hartenwensen kreeg Venloosch Vastelaoves Gezelschap Jocus de vraog of ‘t meugelik zoel zien um d’n hertewins van Venlonaer Dennis te vervölle. Dennis ziene groëtste wins waas um eine kiër as Stadsprins te meuge zien.
Aan dae wins woel Jocus neteurlik gaer meiwerke. Ald Prins Ton Lamberts stelde zien ganse Prinselikke garderobe beschikbaar zoëdet Dennis ouk wie eine echte Jocusprins kôs optraeje. In "vol ornaat" aangekleid makde Dennis, veuraafgegaon door de Prinsekapel, Sirremoniemeister, Dansgarde en twië Gardiste en gevolg door d’n twiëde Hoeëgheid Stadsprins Jacques Paul I en zien Adjudante Ikar en Geert, zien opwachting op de bühne van de Benders Boétezitting.
Aan zien gezich waas te zeen det Dennis mit volle teuge genoot. Nao dees belaefenis meus d’r efkes gerös waere, aevel rond de klok van half veer moch d’n Hoëgheid veur einen daag nog eine kiër zien gruuëtsigheid tuuëne, deze kiër op de groëte buun in de Maaspoort.
Opniej ein groëtsen intoch mit alles d’r op en aan. ‘t Roëje Kruutsbal waas vol op stoum wie ‘t Gezelschap de buun betraoj. Alle ouge waare gerich op ‘t veerspan. Sirremoniemeister Bram zông speciaal veur dees gelaegeheid ‘t lievelingsleedje van Dennis: de Kriebels! Heejmei kwaam ein ind aan eine schitterende daag veur Dennis.
Nao aafloup vertelde hae det dit d’n moeiste daag van zien laeve waas! Hae druimde heej al van vanaaf 2008, zoe vertelde Dennis. In 2008 zoel Dennis al prins van de WAA waere, wao hae as sorteerder van pôsstökke werk. Op d’n daag van zien oétkômme euverleej ein van zien begeleidsters en woord ‘t ganse fees aafgezag. Via Daelzicht Hartenwensen môch ziene druim en hertewins toch oétkômme mit dank aan ‘t Jocus Dreejspan 2014 en de inspanninge van Daelzicht en Jocus.
Diep verscholen wensen liggen in ons hart….
Daelzicht Hartenwensen vervult bijzondere wensen van mensen met een verstandelijke beperking. Het vervullen van een Hartenwens is voor een cliënt een fantastische beleving. Voor een dag staan de cliënten van Daelzicht in het zonnetje en in het middelpunt van de belangstelling. Doel is om cliënten de dag van hun leven te bezorgen.