Hay, De Joeksige Jaore

´t Iërste exemplaar van ´t gedinkplaetje ‘Hay, De Joeksige Jaore’ is zaoterdaagaovend door Jan Theelen oétgereik aan Frans Driessen (Jocuszenger) tiedes de Groëte Jocus Prônkzitting. Claar Boots-Hinssen reurde ‘t ganse publiek mit ‘t leed ‘Èin stum is verlaore gegaon’, ‘t einige nieje leed op de CD det spesjaal veur dees CD ter herinnering aan Hay Crompvoets is gekômponeerd door Frans Pollux Diek viefendertig kiër in de priëze beej Jocus, vief kiër winnaer van ´t LVK, euverwinninge in Bliërick; Hay Crompvoets is zônder twiefel de meis suuksesvolle vastelaoveszenger oëits. Maar ´t zien neet zien oorkôndes, medaljes of baekers die Venlonaere zich zulle herinnere, ‘t is dae stum. De beste stum, dae daorum van de beste schrievers de beste leedjes kreeg. De stum. Zoë môt de vastelaovend klinke. Dae stum is ´t dökste op de plaat gezatte door arrangeur, producer en studiobaas Jan Theelen. ´t Waas dan auk zien ideej um ein seleksie te maake oét de schat aan leedjes die Hay gezônge haet. Neet det Hay anders vergaete zoël waere. Maar toch, ein plaat mit allein maar solonummers, det haet hae verdeend.

Dees unieke CD is vanaaf 17 november te kaup.

Zôndaag 22 november zal d´r vanaaf 17.30 oor un spesjale Ode aan Hay-aaflevering zien van Kefeej Chantant Baer de Woers beej Umroop Venlo.

De CD is un initiatief van en is oetgebrach names Studio Theelen, V.V.G. Jocus, de Wiel en Hay fenklup in röste en Stichting OB de Woers.