Half Haenke 2014

Op woensdaagmiddaag 19 fibberwari 2014 vindt in de <Maaspoort in Venlo de 2e editie plaats van Half Haenke. Dees speciale kinderzitting wuurt georganiseerd door Jocus en Jocus Toekôms. Alle kinder oét de gemeinte Venlo zien oétgenuuëdig um in eur moeiste vastelaovesoutfit nao deze kindermiddaag te kômme, net zoëas alle jeugcarnavalsvereiniginge.

Op deze middaag dae in  ‘t teike steit van “De jeug haet de toekôms” zulle kinder oét de ganse gemeinte Venlo eur talente vertoëne. Zang, dans, buut zulle op deze middaag te zeen zien in ein ziér verrassend programma. Zoë zal de winnaer van ‘t Jocus Jeug Vastelaovesleedjes Concours,  de schoël mit d’n Biébel, optraeje, is d’r ein buut van Juul Brueren en Sjraar Timmermans en zien d’r optraejes van de dansgardes van de Moeraskwakers en de Keiescheeters. Daonaeve zulle de winnaers van de Vastelaovestoppers Pieter en Milou en de Herfshane ouk ein optraeje verzörge. Netuurlik zal de nieje prins van Jocus zien opwachting make same mit zien adjudante.

De middaag begint um 14.30 oor.

Kaarte koste € 3,00 en zien te koup beej de Maaspoort, Ald Weishoés en via www.jocusvenlo.nl.

Wilt geej alvas ein veurpreufke van ‘t spektakel op deze middaag kiék dan nao ‘t onderstaonde Youtube filmke en oefen ‘t mit al dien vrinde en vrindinne.