Golde Narrekap 2013

Op zaoterdaag 30 november vindt de oétreiking plaats van de Golde Narrekap 2013. Dit jaor velt de iër te beurt aan Ummer d’r Naever um de hoëgste vastelaovesonderscheiding in ontvangs te neme. Dit hebbe de lidvereiniginge van de Samewirkende Limburgse Vastelaovesvereiniginge (SLV) unaniem op eur vergadering beslaote. De oétreiking vindt plaats tiedes ein feestelikke beejeinkoms op kestiel Hoensbroek, Residensie van de SLV, te Hoensbroek. Ummer d’r Naever zal beej de gelaegeheid auk waere opgenaome in de Broederschap van Golde Narrekapdragers.

Leeje van de geneumde Broederschap zien Jan Pollux † (2009), Ger Frenken (2005), Thei en Marij (2001), Frans Haselier (1997), Beppie Kraft (1994), ‘t Duo Oetgesjlaope (1990), Ton Jorna † (1986), Sjef Diederen † (1982), Harry Wolters (1978), Jubel Schings † (1974), De Globetrotters (1970), Pierre Cnoops (1966), Ger Maassen (1962).

De Gôlde Narrekap, de hoëgste Limburgse vastelaovesonderscheiding, is ‘n 4-jäörlikse onderscheiding dae oétgereik wuurt door ‘t bestuur van de SLV. De 17 Lidvereinigingen van de SLV zien de 17 Stadsvastelaovesvereinigingen in Limburg.

Ummer d’r Naever wuurt mit dees onderscheiding geiërd um eur ziër humoristische kiék op ‘t laeve van alledaag, dae bliek oét euver onvervalste parodieje op aktuele thema’s.