Gasschriéver Funnie: Sentimentsmiddaag mit Sjraar en Nel
Donderdaag 2 fibberwari 2017
’t Kwaam good oét, det de naober – dae eur mit d’n auto brach – ouk deze kant op meus. Noow kôste ze net veur d’n ingank van ’t park oétstappe. Ze hebbe ‘nnen anderen ingank gemak as andere jaore, zag Sjraar en hae vaegde zich de zweit van ziene kieëbus. ” Gans rech door”, reep de man, van de organisasie. Ao, ik zeen ‘t al, we zien d’r haos, zag Sjraar wiézend op de gedekde taofels ’n ind vaerderop. Hiel attent woorte ze nao de veur eur gerisserveerde plaatse begeleid.