Finaliste Opus Jocus Leedjesaovend 2016 bekind
Aafgelaupe vriédaag vond in de Venlonazaal de Veurselectie plaats, mit elf gevarieerde leedjes as oétkôms.
Roel Versleijen, Veurzitter van Jocus: “Ik heb mien iérste Veurselectie as veurzitter van Jocus belaef en ’t waas eine geweldige aovend. Groëte, groëte kômplimente veur alle zengers, zangeresse, téksschriévers en kômponiste veur alle 21 leedjes vanaovend. Weej meuge mit rech zegke: dit is Venlo op zien bes. Mit de toékôms van ’t Venloos Vastelaovesleed zit ’t good. D’r stonde maar leefs 11 nieje artieste in dees Veurselectie! ’t Belaof eine leuke en spannende Opus Jocus Leedjesaovend te waere.”
De elf finaliste gaon tiédes Opus Jocus Leedjesaovend de striéd aan um “de Funs” en ein plek op de nieje CD. Jan en Emanuel Theelen zien onder d’n indrök: “Weej zien onder d’n indrök van ‘t niveau en de diversiteit. ’t Wuurt eine moëje leedjesaovend en ôngetwiéfeld ein gooje CD.”
De elf finaliste:
| 1. | Effe baove belle | Noud Janssen en Tim Peeters | |
| 2. | Golde vleugels | Robert Bouten | |
| 3. | Dich bis enne pipo | Jules Fransman en Gijs Engels | |
| 4. | Vastelaoves muulke | Karen van Hoften en Willy Billekens | |
| 5. | Verleef zien is waal zoë fijn | Daisy Gaspersz, Ingrid Dambacher en Rian de Jong | |
| 6. | Tiéd van ’t jaor | Kristel Roulaux en Bart Janssen | |
| 7. | Waat ’n waer weer | Fred Honig en Hay Smeets | |
| 8. | Heej bin ik dökker gewaes | Vic Suiker, Hay Geritz, Petro Janssen en Mark Janssen | |
| 9. | Waat jaomer | Pascal Vaes en Paul Klaassens | |
| 10. | Waat ein stad | Bernie Billekens, Niels van den Ham, Simone Dolders-Driessen en Willy Billekens | |
| 11. | Wei maar mit mich mei | Marco Gielens, Etiënne Snel, Loek Heunen een Bart Ebus |
Volg de Jocus mediakanale veur ‘t program en de start van de kaarverkaup veur Opus Jocus Leedjesaovend 2016.