Femilie Pollux organiseert Boerebroélof 2012
Dinsdaag 5 april 2011
Venaovend haet ‘t bestuur van Jocus beslaote femilie Pollux de iër te gunne um de Boerebroélof in 2012 te organisere. De femilie Pollux is kômmend jaor 111 jaor woënechtig in Venlo. ‘n Biézonder jaor veur eur, veur Venlo en de Boerebroélof. In de geschiedenis van Jocus is ‘t pas èns veurgekômme det d’r ‘nne femiliegroep de Boerebroélof haet georganiseerd: namelik de femilie Schouren in 1974.
In 2012 besteit de Venlose Boerebroélof maar leefs 100 jaor. Beej dees gelaegenheid wuurt ‘n biézonder bookwerk oétgegaeve. Heejveur zien weej op zeuk nao anekdotes, foto’s en andere zake die veur dees publikasie van toegevoogde waerd kinne zien.