Extra kaarte beschikbaar veur Jocus’ Hofbal

Vanmiddaag haet de veurzitter van ‘t Hofbalkommité Jack Schatorje bekindgemak det Jocus in samespraok mit Theater de Maaspoort haet beslaote um dit jaor 200 extra kaarte beschikbaar te stelle veur d’n Hofbal. Dees extra kaarte waere beschikbaar gesteld via de aopenbare verkoup. Heejdoor hebbe veur ‘t iërs auk belangstellende, die iërder nog neet in aanmerking kwame veur dezen exclusieve gala-aovend, de meugelikheid um kaarte te koupe.

‘t Bal is al sinds jaor en daag ‘n good bezôch evenement, wao idders kier weer vuul minse teleurgesteld môtte waere in verband mit ‘t beperk aantal beschikbare toegangskaarte. Wies vurrig jaor ware dit d’r 1250. “We wille neet det de bezeukers van dit stielvolle fees as hiëringe in ‘n ton staon. D’r môt voldoende ruumte zien um te wandele, ‘n präötje te make of ‘n denske te waoge. Um dae raeje zeen we d’r idder jaor strik op toe det ‘t bezeukersaantal det auk toeluuët”, alzoë Schatorje.

Ingegaeve door de ervaringe van vurrig jaor, waobeej zich kwaam op de nieje indeiling en ruumtes van de Maaspoort nao de iërdere verbouwing, in kombinasie mit de idder jaor weer greujende vraog nao kaarte, is Jocus tot dit besloét gekômme.

‘t Beperk aantal extra kaarte is te bestelle via info@jocus.nl.