Expositie

Vanaaf 7 jannewari 2012 exposeert Jocus Hófteikenaer en kunstenaer Leon Peeters in Hotel Wilhelmina in Venlo vastelaovesschilderieje en schetse.

Groëte acryl deuk mit as thema "de vastelaovend in Venlo" en de schetse die Leon mak as studies veur diverse vastelaovesillustraties en affiches veur Jocus.

Leon Peeters is as illustrator verbônde aan nederlands aldste vastelaovesvereniging Jocus. Veur zien schilderieje is de vastelaovend in al zien facette ein inspiratiebron veur Leon. De kleurrieke laevendige bônte wirwar, de meziek, de boerebroelof, maar ouk de kater en ‘t "aswoensdaag" geveul. Loupend door de stad op eine drökke vastelaovesdaag verandert ‘t beeld nao iddere maeter. De oétdossinge, de pekskes, de meziek, de geure, alles wuurt dan anders en intenser. "Mit de Vastelaovend en de boerebroelof hebbe weej in Venlo ein traditie in hand, die weej môtte koestere en vaerder môtte culitvere". Biezônder is det van ein van zijn schilderieje door Jocus eine poster wuurt oétgebrach veur de Vastelaovend 2012. Leon is ouk bekind um zien groëte wandschilderinge van sôms miër dan 5 meter groët. In Hotel Wilhelmina luuët hae echter ouk nog kleine studies zeen van zien teikeninge die hae mak veur de Träöt en de CD van Jocus. Neet te misse heejin is d’n invlood van ‘t teikenwerk van zijn groëte veurgenger Piet Camps. " Piet is veur mich nog altiéd de ultieme vastelaovendillustrator" zaet Leon heejeuver.

Hotel Wilhelmina is de ganse waek geäöpend en geej ziet vreej um binne te loupe um dees fantastische expositie te kômme bekiéke.