Elf van Elf sprik vanzelf!
Op de Mert veur ‘t stadhoés is op Elf van Elf ‘t nieje vastelaovesseizoen ingeschaote. Um klokkeslaag 11.11 oor klônke de 11 kenônscheut euver de Mert. Ein joeksig Vastelaovesprogram mit meziék van verschillende Venlose artieste brach de stad in de juuste stumming. Auk de Boerebroélofsgezelschappe van De Kwas (2014) en de Venlose Reddingsbrigade (2015) tuuende zich aan ‘t Venlose publiek.
Auk JocusTV waas aanwezig op de Mert beej ‘t inscheete op 11-11. Zeej hebbe dao ein videoverslaag van gemak.
Traditioneel woord, in ‘t beejzien van aafvaardiginge van de Stadsdeilvereiniginge, d’n iërste Opstaeker gekôch door Börgemeister Antoin Scholten. Baeldhouwer Hay Smeets had de iër um d’n 11e (!) Opstaeker te ôntwerpe. D’n Opstaeker is te koup op de bekinde verkaupadresse.
‘t Regerend Jocus Dreejspan 2014 wood de nieje Jocus CD aangebaoje. Op de nieje CD "Kôm ens veur!" zien de winnende 4 Jocus leedjes te huure, de winnaer van ‘t Jeug Vastelaovesleedjeskônkoer, de winnaers van de Herfshane en eine joeksige slinger. De nieje Jocus CD kôs maar € 12,50 en is te kaup beej:
- Blokker (in ‘t Tref) Venlo
- Geerlings B.V. Venlo
- Slegterie de Karbinder Venlo
- Plusmert Benders Venlo
- Mediamarkt Venlo
- Slegterie Schreinemachers Venlo
- Sounds Venlo
- The ReadShop Panningen
- The ReadShop Tegelen
- Timmermans CD shop Tegelen
Bezeuk ôs thoésblaad www.jocus.nl veur miër informasie euver de verkaupadresse.