Ein tipke van de sluier… Jocus Hofbal 2014
Traditioneel begint in Venlo tösse Kersmis en Ald-op-Niej ‘t groëte speculere. "Professionals" zoë-as Oeijts-Haos-Prinse, de Prinseraojers in de zaoterdaagse columns in Tante Bet, kôffiekrenskes die iddere oétspraok van Vors Joeccius XI minitieus analysere… Veur idderein begint zoë rônd de Kersdaag ‘t speculere wae op d’n Hofbal wuurt oétgeroope as nieje Stadsprins van ‘t Stedje van Lol en Plezeer…
Aevel wuurt d’r ouk al vuuël gespraoke euver de oétnuuëdiging van d’n Hofbal. Volges vuuële ‘t sjiekste bal van gans van ‘t jaor. Idder jaor opniej is dees oétnuuëdiging ein smaakvol en artistiek hoëgstandje oét hand van Peer Coopmans.
D’n Hofbal van 2014 belaof weer ein waor spektakel te waere. Eine gala-aovend mit ein keur aan artieste in eine sfeervolle Jocus Hoonderstal. Döks bliéf ‘t program lang mit mystiek umgaeve. Aevel neet dit jaor!
Zoë vlak veur de kersdaag wilt ‘t Hofbal comité ôg al eine hampel staekwäörd meigaeve…
- ‘nne Venlose topper geit ein muzikaal verbônd aan mit ein fantastisch orkes en verbind Ierland, Nederland en Italië mit ôs Stedje van Plezeer…
- ôs eige ônvolpraeze Jocus Hofkepel guuëf mit eur klanke kleur aan de Venlose vastelaovesleedjes én zuk de muzikale grenze op, en luuët zich heejbeej vergezelle door ein ougverblindende dans-act…
- Eine Parel mit indrökwekkende muzikale staot van deens luuët van zich zeen en huúre…
- Ein keur van Venlose artieste haolt alles oét de kas um de sjiekste, kwantste, moeiste, en JOEKSIGSTE leedjes ten gehuúre te bringe…
- De Maaspoort wuurt umgetouverd in eine sjieke, sfeervolle Jocus Hoonderstal maar tot…. Jao tot waat? Laot ôg verrasse!!
- Neet allein veur ein drenkske kint geej dezen aovend terech, ouk veur ein hepke wuurt gezörg!
‘t Hoëgtepunt van d’n aovend wuurt oéteraard de bekindmaking van ôzze nieje Stadsprins mit zien Adjudante as ‘t nieje Jocus Dreejspan 2014.
ônthald ze, prakkezeer d’r euver en klasjeneer d’r euver… Op Dreej-Keuninge oftewaal maondaag 6 jannewari aanstaonde zal ôzze 1e Sikkertaris, oét naam van Vors Joeccius XI, de Hofbal oétnuuëdiging gaon versteure aan de Jocus leeje, donateurs en sponsore. Dit jaor ein stiélvol hoëgstandje mit ‘t volledige program. As opmaot nao ‘t sjiekste bal van gans ‘t jaor….
Begint ‘t beej óg ouk al te kriebele? Blief ôs volge via de SocialMedia en ôs thoésblaad: www.jocus.nl Heej zal binnekort miër geprissenteerd waere.
Weej zeen ôg gaer op zaoterdaag 15 fibberwari: op Jocus Hofbal 2014!