Documentaire ‘Wie ‘t waas, wie ‘t is…’ genomineerd veur award.
Maondaag 20 april 2009
Umroop Venlo is genomineerd veur dreej Lokale Omroep Awards, wao onder de documentaire ‘Wie ‘t is, wie ‘t waas…’. Det haet de OLON (Organisatie van Lokale Omroepen in Nederland) bekind gemak. Umroop Venlo is ein van de tien umroope die genomineerd zien veur Lokale Omroep van het Jaar. D’n Umroop won dae titel al in 1998 en 2005. Det was metein auk de letste kier det de OLON de awards oetreikde.
Naeve de nominasie veur d’n Umroop as gehiel, zien auk twie programma’s genomineerd. In de categorie ‘Radio’ is det Café Chantant ‘Beej Baer de Woers’. In de categorie tillevisie is det ‘t derde deil van de Jocus-documentaire ‘Wie ‘t waas, wie ‘t is…’.
De awards waere op woensdaag 3 juni aanstaonde oetgereik beej Baeld en Geluud in Hilversum.