Digitale interaktieve vastelaoves-etalage

Maondaag 11-11-20013 is eine biezônderen daag veur vastelaovend-minnend Venlo. In die sfeer krieg Venlo ein primeur op ‘t gebied van online-interactief winkele. Um 15.00 oor äöpent Vors Joeccius XI same mit Prins Sef IV de iërste digitale interactieve etalage. Veur ‘t iërs waere de traditionele etalages gekoppeld aan ein digitale. Bookhandel Koops krieg kômmende maondaag deze primeur.

In twië etalages waere Fiezemetente (Venloos veur Jocus Merchandise) oétgestald. Eín etalage op traditionele meneer de naeveliggende etalage virtueel. Um artikele te kinne bekiéke haet ‘t winkelend publiek controle euver de getoënde zake. Door ermbewaeginge die door eine camera waere geregistreerd, “bestuursse” feitelik de etalage. De winkelverkuiper kan mit deze techniek ouk op momente det ziene/eure winkel geslaote is toch al zien koupwaar toëne.

De te registrere bewaeginge zien legio. Um ‘t publiek te laote wenne aan  deze nieje vorm van winkele wuurt veurluipig allein ein ermbewaeging geregistreerd. Deze nieje techniek kump aaf van ‘t Venlose start-up bedriéf Swypez, opgestart door de oét Holt-Blierick aafkômstige Lucien Borgers (33) en Chris van Kordenoordt (30).

Bookhandel Koops is  naeve eine gerenommeerde bookhandel taeves verkouppunt van Jocus
Fiezemetente.

De samewerking tösse Jocus, Bookhandel Koops en Swypez mit deze nieje techniek deurt tot en met Vastelaovesdinsdaag.