De Zuidstroom wint Jeug Leedjes Konkoer

In ‘n bomvolle Venlonazaal is de Zuidstroom vriédag winnaer gewaore van ‘t Jocus Jeug leedsjes Konkoer. Ze leete maar leefs 9 andere basisschoële achter zich mit eur nummer ‘Vastelaoves Kinderfees’. De Koperwiek, winnaer van vurrig jaor, en de duo’s Bram en Ruud en Noud en Tim brachte de stumming d’r good in.

‘t Niveau waas weer hoëg zoëdet de zjurie mit Frans Pollux, Mirjam van Elderen, Marian van den Ham, Wiel Aerts en ‘t Dreejspan van Jocus en Jocus Toekôms maar leefs 9 maol ‘n 2e plaats oétdeilde. Oétintelik woort de Zuidstroom dus winnaer en det is veur de twiëde kiër in dreej jaor tiéd. Det beteikent det eur vastelaovesleedje zal prônke op de Jocus CD van 2012 en det ze tal van optraejes meuge gaon verzörge in 2012.

De “Veer van Geer”, ‘n door Geer van de Veer beschikbaar gestelde priés, woort gewônne door de Schoël mit de Biébel. Zeej ware erg leuk verkleid, enthousias en auk sportief.