De Venlose Hockey Club (VHC) organiseert de Venlose Boérebroélof van 2016

Aafgeloupe maondaag haet ‘t bestuur van  Venloosch Vastelaoves Gezelschap Jocus beslaote um de Venlose Hockeyclub de iër te gunne um de Venlose Boérebroélof van 2016  te organisere. Jocus is tot dit besloét gekômme vanwaege ‘t feit det VHC volgend jaor 88 jaor besteit. Veur de Venlose hockeyers is ‘t de veerde kiër det ze dit Venloos volksfees meuge organisere. De iërste dreej kiër ware in 1948, 1961 en 1970.

De Venlose Hockey Club is op 3 augustus 1928 opgerich en haet momenteel ôngeviër 41 teams (jôngste jeug, juniore en seniore). VHC woord tösse de jaore 1939 en 1967 maar leefs ach kiër landskampioen. De club hockeyt op Sportpark Haerungerberg, Louisenburgwaeg 5 in Venlo. Miër informatie euver VHC en Jocus is te vinde op www.vhcvenlo.nl en www.jocus.nl.