De Träöt 2015 vol joeksigheid!
Maondaag 2 fibberwari 2015
De nieje Träöt is oét! Traditioneel môch ‘t nieje Prinselik Dreejspan van Jocus ‘t iërste examplaar in ôntvangs neme tiédes ein feestelikke prissentatie in Hotel Wilhelmina.
De edisie van 2015 steit baordevol joeksigheid! Ein boétekans um de Vastelaovend in waord, en veural in baeld te bekiéke.
Dit jaor ein döbbeldieke oétgave mit ônder miër:
- ‘t Jocus Dreejspan 2015 det zich aan ôg veurstelt
- foto’s van haos alle Jocus evenemente
- interview mit Faatse: Fred van de Boogaard, Paul Nagelmaekers, Joep van Hoorn en Hay van Hoorn
- ein gedich van Junior Stadsdichter 2014 Esther van Dreumel
- joeksige verhaole van ôs Gaskollumniste
- tekste van de veer winnende Jocus leedjes
- interview mit dreej aafzweijende Jocus’ steunpilaere
- ein sfeerverlslaag van de artiestenaovend van de Herfshane
- foto’s van ‘t aafgelaupe Hofbal
- én de opstelling van de Groëten Optoch van maondaag 16 fibberwari
Det en nog hiel vuuël miër…
De Träöt is vanaaf dinsdaag 3 fibberwari te kaup op dees verkaupadresse.
Det is De Träöt van Jocusriék,
dae Vastelaovend meldt!
Pak de Träöt, Pak de Träöt, Pak de Träöt!