De nieje prins

Op d’n Hofbal van 31 jannewari 2015 goof Vors Joeccius XI gruuëts bekindheid aan Prins Carnaval 2015 in ‘t Jocus Riék: prins Ruud (II) Stikkelbroeck mit zien adjudante Bram Holla en Jorg van der Meij.

Prins Ruud Stikkelbroeck (37) is getrouwd mit Clim Stikkelbroeck-Derckx en gruuëtse vader van eur döchter Cielke (7) en Sofie (5). In ‘t dageliks laeve is d’n Hoëgheid haufredacteur/directeur beej Omroep Venlo. Venlo liërt Ruud al jôngk kinne via ‘t jongereprogramma Tilt. Naeve fietse helt hae van de Venlose Vastelaovend. Is lid van stamtaofel de Naate Raaf en bestuurslid van v.v.v.v.v.v.v.v.v.v.v. De Waus. Bestormp vanaaf 2002 same mit Adjudant Bram minnige buun as Vastelaoveszenger. Is veermaolig winnaer van ‘De Funs’ op Opus Jocus Leedjesaovend. Winnaer van de letste Jocus Leedjesaovend, same mit Bart en Fred mit ‘t leedje ‘t Volle Pônd. In 2008 wint hae same mit Adjudant Bram ‘t LVK mit ‘t leedje ‘De Kriebels’. Auk bekind as buuttereedner ‘De Bôks’, mit begeleiding van vrind Frans Pollux.

Adjudant Bram Holla (36) is getrouwd mit Maud Holla-Hanraets. Zeej hebbe same eine zoon Ties (haos 2). Van beroep is hae lieraar aardrijkskunde, geschiedenis en maatschappijleer op ‘t Blariacum College. Teniël-, zang- en Vastelaovesdoézendpoët. Teniëlspeuler in de Venlose Revue’s Altiéd ‘tzelfde Leedje (2005) en De slaag um ‘t Jaomerdal (2010). Bram is d’n huidige Sirremoniemeister van Jocus en lid van Jocus’ Joeks kemmissie. Daonaeve bestuurslid van v.v.v.v.v.v.v.v.v.v.v. De Waus. Same mit d’n Hoëgheid 11 jaor Vastelaoveszenger op Jocus’ buun mit as hoëgtepunt eur LVK euverwinning in 2008 mit De Kriebels. Speult Baer de Woers in Café Chantant, lid van spaarkas De Flodderkas van kefee In d’n Dorstigen Haen.

Adjudant Jorg van der Meij (39) is same mit Barbara Smets en hebbe same twië kinder: Baer (5) en Robin (3). Jorg is product manager beej Océ in Venlo. Multi-organisatietalent as ald veurzitter van de Nach van ‘t Limburgse Leed en meide-oprichter van Webland (vastelaovesfoto’s). Op dit moment penningmeister van Stichting OB de Woers, Café Chantant en Kerstnacht Venlo. Jeugleider beej Venlosche Boys. Lid van Stamtaofel de Naate Raaf, Kaokklup ‘t Vettig Rendje en van Wienklup de druuëge druufkes.

Dit multimediale dreejspan is auk te vinde op www.jocus3span2015.nl, en te volge op Facebook en Twitter.