Commandeur Gold mit Ster veur Renier Linders

Op de Laudatio van zaoterdaag 16 november woort d’n hiër Renier Linders veur zien verdeenste veur Jocus bevorderd tot Commandeur Gôld mit Ster in de Orde van d’n Haan. De hoëgste ônderscheiding in dees Orde wuurt maar hiël zelde oétgereik.

Al decennia langk is Renier d’n Hoffotograaf van Jocus. Aan de hand van vader Sjaak liërde hae ’t vak en zörg zoë det alle bewaeginge binne ’t Jocusriék op de geveulige plaat waere gezatte. Ein rol die hae al jaorelangk op miër dan Jocuswaerdige wiés vervöld. Sinds jaor en daag is hae Vice Veurzitter van Jocus Pers & Propaganda kemissie. Daonaeve is hae sinds 2019 gruuëtse veurzitter van ’t Jocus Museum.

Op de Laudatio waere door Vors Joeccius XI en ziene wiéze Raod van Elf de Jocusleeje en andere vreejwilligers gehöldig veur eur verdeenste veur de Venlose vastelaovend en de vereiniging Jocus in ’t biézonder.

De gedecoreerde woorte opgenaome in de Orde van d’n Haan. Renier, èn alle andere laureate: van herte perfitsia!